საფეხურები

„ცოცხალი ბიბლიოთეკის” წარდგენისას, პირი, რომელიც განახორციელებს წარდგენას, არის ის, ვისზეც არსებობს საზოგადოებაში სტერეოტიპები, ცხოვრების წესის, პროფესიის, სექსუალური ორიენტაციის ან რაიმე სხვა მიზეზის გამო. ხშირად ისინი არიან საზოგადოებისგან/ქვეყნისგან გარიყული, დისკრიმინაციული, სტიგმატიზებული, ცრურწმენების, სტერეოტიპების, შეუწყნარებლობის ჯგუფის წარმომადგენელი. ღონისძიების განმავლობაში "მკითხველს" შეუძლია "ცოცხალ წიგნთან" ისაუბროს ნებისმიერ საკითხზე, შეხედულებებზე, ინდივიდუალურ აღქმაზე, ან უბრალოდ გაეცნოს მას, როგორც პიროვნებას. ასეთი საუბარი საშუალებას იძლევა მოიძიონ ცოდნის წყარო უშუალოდ დაინტერესებული პირებისგან. „ცოცხალი ბიბლიოთეკა“ საშუალებას იძლევა დავინახოთ მსგავსებები და განსხვავებები, ასევე, განვიხილოთ ტოლერანტობასთან დამოკიდებულება დიალოგის ატმოსფეროში.

 

„ცოცხალი ბიბლიოთეკა“ მუშაობს ტრადიციული ბიბლიოთეკის პრინციპით - მაგრამ წიგნების ნაცვლად თქვენ ხალხს "ვიღებთ"  საუბრისათვის.

 

• შექმენით გუნდი - „ცოცხალი ბიბლიოთეკის” ორგანიზებას დიდი დრო სჭირდება, რათა მოიძიოთ კონტაქტები. გუნდში დაახლოებით საჭიროა იყოს 10-12 მოხალისე.

• დასაწყისში დაფიქრდით "ცოცხალი წიგნების" ჩამონათვალზე – ის უნდა იყოს მრავალფეროვანი. მიზანშეწონილია რელიგიურ, უმცირესობების, დისკრიმინაციის და ა.შ. საკითხებზე მომუშავე ორგანიზაციებს დაუკავშირდეთ. უნდა გაეცნოთ ცოცხალი ბიბლიოთეკის პრინციპებს და მეთოდს (PDF - https://rm.coe.int/16807023dd .) დაუკავშირდით ორგანიზაციებს, რომლებსაც გააჩნია გამოცდილება ცოცხალი ბიბლიოთეკების ორგანიზებაში.

• დაუკავშირდით არჩეულ ადამიანებს და გაესაუბრეთ მათ ცოცხალი ბიბლიოთეკის არსზე, პრინციპებზე, პარტნიორობაზე და დიალოგზე, ასევე, გააცანით ცოცხალი ბიბლიოთეკის მიზნები. დაფიქრდით იმაზე, თუ რამდენი ადამიანის მოწვევა შეგიძლიათ და რა პირობებს შესთავაზებთ მათ (მაგალითად, მგზავრობის ხარჯების ანაზღაურება ან ოჯახში ღამის გასათევის შეთავაზება და ა.შ.).

• იპოვეთ შესაფერისი ადგილი - ეს უნდა იყოს ადვილად ხელმისაწვდომი - ეს შეიძლება იყოს, მაგალითად, ადგილობრივი კულტურის ცენტრი, სკოლა ან ბიბლიოთეკა. ადგილი ისე უნდა იყოს მოწყობილი, რომ საუბრის გამართვა შესაძლებელი იყოს რამდენიმე კუთხეში (ცოცხალი წიგნების რაოდენობიდან და მკითხველებიდან გამომდინარე უნდა უზრუნველყოთ შესაბამისი დასაჯდომი ადგილების რაოდენობაც).

• მოამზადეთ მასალები - ღონისძიების ორგანიზებისას, როგორც წესი, ხელმისაწვდომია "წიგნების კატალოგი" - ჩამონათვალი, სადაც მოცემულია მოკლე აღწერა ცოცხალი წიგნის გმირების შესახებ, რა თემაზე შეუძლიათ საუბარი, რომელ საათზე შეუძლიათ ჩაეწერონ კონკრეტულ ცოცხალ წიგნთან სასაუბროდ; იდენტიფიკატორები მკითხველთათვის (მკითხველები ინიშნავენ დროს, ასევე იმას, თუ ვისთან აქვთ საუბარი); ცოცხალი ბიბლიოთეკის დებულებები და ინფორმაცია იმის შესახებ, თუ რა არის ცოცხალი ბიბლიოთეკა (მაგალითად, პლაკატის სახით).

•  იზრუნეთ ღონისძიების რეკლამაზე - მოამზადეთ პლაკატები, მოიწვიეთ მეზობლები, გააზიარეთ ინფორმაცია ინტერნეტში.

• "ცოცხალ წიგნებს" აუხსენით თუ როგორ უნდა მივიდნენ იმ ადგილამდე, სადაც ტარდება ღონისძიება; მიზანშეწონილია მოახდინოთ დავალებების გადანაწილება (გაუწიეთ მხარდაჭერა ცოცხალ წიგნებს – „მკითხველებს” აუხსენით თუ რაში მდგომარეობს ცოცხალი წიგნის ძირითადი არსი,  მოახდინეთ „მკითხველების” რეგისტრაცია და შექმენით შესაბამისი ატმოსფერო).

 

ავტორები

Გალიციური განვითარების და განათლების ფონდი (პოლონეთი)

არასამთავრობო ორგანიზაცია ,,დრონი"