ინსტრუქცია:

 

ნაბიჯი 1. აირჩიეთ ის ქვეყანა, რომლის კულტურის გაცნობაც გსურთ; მოიძიეთ მის შესახებ ინფორმაცია; აირჩიეთ ამ ქვეყნის რომელიმე ტრადიციული დღესასწაული, რომლის აღნიშვნასაც შეძლებთ თქვენს თემში (მაგალითად, ინდოეთი - დივალი - სინათლის ფესტივალი, ხოლი - ფერების ფესტივალი და სხვ.).

 

ნაბიჯი 2. შექმენით ღონისძიება სოციალურ ქსელში ღონისძიების მოკლე აღწერითა და დროისა და ადგილის მითითებით. მოიწვიეთ მეგობრები მასში მონაწილეობის მისაღებად.

 

ნაბიჯი 3. დეტალურად დაგეგმეთ ღონისძიება. მაგალითად, პრეზენტაცია - 15 წუთი, ვიდეოს ჩვენება - 10 წუთი, საჩუქრების გაცვალა - 10 წუთი, სანთლების ანთება და ტკბილეულის მირთმევა - 20 წუთი. ტრადიციულ რიტუალებს შეგიძლიათ დაამატოთ თამაშები ან კონკურსები, რათა მონაწილეებმა არ მოიწყინონ. შეგიძლიათ მოცემული კონკურსები დაუკავშიროთ იმ ქვეყნის ტრადიციას/ისტორიას, რომლის დღესასწაულსაც აღნიშნავთ.

 

ნაბიჯი 4. ღონისძიებამდე რამდენიმე საათით ადრე მოამზადეთ ყველაფერი აქტივობისათვის.

 

ნაბიჯი 5. დაელოდეთ სტუმრების მოსვლას და დაიწყეთ ღონისძიება.

​

ავტორები

თეთრიწყაროს ახალგაზრდული ცენტრი • Tetritskaro Youth Center  - https://www.facebook.com/tycgeorgia/