ამ ვებგვერდზე თქვენ ნახავთ უამრავ იდეას ადგილობრივი ინიციატივებისა და პროექტების განსახორციელებლად. ვიმედოვნებთ, რომ ეს ვებგვერდი შთაგაგონებთ და აღგიძრავთ ახალი თავგადასავლების დაწყების სურვილს.

თქვენი პროექტის თავგადასავლის დასაწყისში გაეცანით ინფორმაციას იმის შესახებ, თუ რა უნდა მოძებნოთ, რა არ უნდა დაგავიწყდეთ და რა დაგეხმარებათ.

რატომ არის ადგილობრივი პროექტები თავგადასავალი? უმჯობესია აღნიშნულ კითხვაზე პასუხი პრაქტიკაში მოიძიოთ, მაგრამ ჩვენ შევეცდებით აგიხსნათ თუ რას ვგულისხმობთ:

• პროექტის განხორციელება ნიშნავს სწავლას ქმედების მეშვეობით - ის უამრავი აღმოჩენის გაკეთების შესაძლებლობას მოგცემთ, როგორც საკუთარ თავში, ისე თქვენს ქალაქსა და ხალხშიც. თქვენ გეძლევათ შესაძლებლობა გააკეთოთ ის, რაც თქვენთვისაა საინტერესო, შეგიძლიათ ისწავლოთ დროის და გუნდის მართვა, თანამშრომლობა, უკეთესი კომუნიკაცია, კონფლიქტურ სიტუაციებთან გამკლავება, დახმარების მოიძიება, ახალი კონტაქტების დაამყარება და, ალბათ, კიდევ ბევრი რამ!

• პროექტების განხორციელება ხდება ადამიანებთან ერთად, რაც წარმოადგენს ჯგუფური მუშაობის მოტივაციას, ასწავლის თანამშრომლობასა და კომუნიკაციას, ასევე, პროექტის განხორციელების დროს ახალი მეგობრების და ნაცნობების შესაძენად საუკეთესო საშუალებაა;

• თავისუფლება და დამოუკიდებლობა - თქვენ, როგორც საპროექტო ჯგუფი, მართავთ მთელ პროექტს, პასუხისმგებელნი ხართ საერთო მიზნის და ყველა პროცესის შესრულებაზე, რაც დიდ ვალდებულებას და პასუხისმგებლობის შეგრძნებას იძლევა.

აპირებთ თავგადასავალის დაწყებას?

მოდით გავაკეთოთ ადგილობრივი პროექტი ერთად! როგორ დავგეგმოთ ეს ყველაფერი?

​

1. რისი გაკეთება გსურთ?

იფიქრეთ იმ ადგილის შესახებ, სადაც ცხოვრობთ, შეეცადეთ სხვა პერსპექტივით შეხედოთ მას - ზოგჯერ სხვა კუთხით უნდა შეხედოთ იმისათვის, რომ საინტერესო თემა იპოვოთ (ეს მეთოდი შეგიძლიათ გამოიყენოთ ყველგან!).

თქვენ შეგიძლიათ დაიწყოთ საუბარი მეზობლებთან, ხანდაზმულ ადამიანებთან, მაღაზიის გამყიდველებთან ან ადგილობრივ ხელოვანთან. ეწვიეთ ისეთ ადგილებს, სადაც ჩვეულებრივ არ მიდიხართ. იქნებ, იპოვოთ რამე საინტერესო, ან ისეთი რამ, რაც მანამდე არ იცოდით ან არ შეგინიშნავთ. იმ შემთხვევაში, თუ ისეთ რამეს აღმოაჩენთ, რაც არ მოგწონთ, ეს ასევე ძალიან კარგია პროექტის განხორციელებისთვის, რადგან, შეგეძლებათ შეცვალოთ რაღაც უკეთესობისაკენ. პროექტის იდეა შეიძლება იწყებოდეს თემით, კონკრეტული საგნებით და ზოგჯერ მეთოდით.

მაგალითად, თქვენ გსურთ გააკეთოთ პროექტი, რომელიც დაკავშირებული იქნება თქვენი სოფლის ისტორიასთან. იფიქრეთ იმაზე, თუ როგორ უნდა გააკეთოთ ეს, თქვენ ეძებთ მეთოდს, თუ როგორ განახორციელებთ თქვენს იდეას. არის შემთხვევა, როდესაც მხოლოდ საინტერესო რეპორტაჟის გაკეთება გსურთ საინტერესო თემიდან გამომდინარე.

თქვენ შეგიძლიათ დაიწყოთ ადგილობრივი კვლევით თქვენს სოფელში (კვლევის განსახორციელებლად შეგიძლიათ იხილოთ რამდენიმე იდეა ჩვენს ვებგვერდზე). მაგალითად: თუ გსურთ რამეს გაკეთება ისტორიასთან დაკავშირებით, მაშინ შეგიძლიათ მოძებნოთ საინტერესო თემები, გამოკითხოთ მოსახლეობა, შექმნათ კითხვარები და გაისეირნოთ.

კარგმა პროექტმა უნდა შეცვალოს არსებული მდგომარეობა, პროექტის თემა უნდა იყოს თქვენთვის საინტერესო, ის უნდა შეეხოს პრობლემას ან ისეთ კითხვას, რომელზეც ნამდვილად გსურთ იპოვოთ გამოსავალი ან პასუხი. ყველაზე მნიშვნელოვანია, დარწმუნდეთ იმაში, რომ აღნიშნული თემა თქვენთვის საინტერესო და დამაინტრიგებელია. თქვენ უნდა გსურდეთ დროისა და ენერგიის დათმობა მისი განხორციელებისათვის.

პროექტისათვის იდეის მოძებნისას, შეგიძლიათ გამოიყენოთ მარტივი მეთოდი - ე.წ. SWOT ანალიზი (ინგლისური სიტყვებიდან Strengths - ძლიერი მხარე და Weaknesses - სუსტი მხარეები, Opportunities - შესაძლებლობები და Threats - საფრთხე). ამგვარი ანალიზი შეიძლება დაგეხმაროთ გადაწყვეტილების მიღებაში. ასევე, შეძლებთ ბევრი საკითხის შესახებ ინფორმაციის მიღებას, რაც ნამდვილად მნიშვნელოვანია. თქვენ გჭირდებათ მხოლოდ ფურცელი და თქვენი გუნდი :)

(სურათი)

ძლიერი მხარეები (შიდა ფაქტორები, რაზაც გაგაჩნიათ გავლენა, მაგალითად, თქვენი მზადყოფნა რესურსებზე, თემისადმი ინტერესი და ა.შ.) /

სუსტი მხარეები (შიდა ფაქტორები, მაგ: დროის ნაკლებობა, თემასთან დაკავშირებული სირთულე და ა.შ.)

• შესაძლებლობები (გარე ფაქტორები, მათი ზეგავლენა პროექტზე, თქვენს გარემოზე, საზოგადოებაზე. მაგ. თქვენს სოფელში მცხოვრები მოსახლეობა დაინტერესებულია თემით, შეჯამებისთვის კარგი დრო შეიძლება იყოს სოფლის ყოველწლიური ფესტივალი და ა.შ.)

• საფრთხეები (გარე ფაქტორები - მაგ. მოსახლეობას არ სურს თქვენთან საუბარი, შეხვედრის ორგანიზებისთვის ადგილის არქონა და ა.შ.)

ერთობლივი ბრეინშტორმინგის და ყველა ველის შევსების შემდეგ, გადახედეთ ანალიზს, რათა გაიაზროთ პროექტის წარმატებულად განხორციელების შესაძლებლობა. უნდა ვიცოდეთ, თუ რა ზეგავლენა შეიძლება იქონიოს საფრთხეებმა და ხომ არ არის შესაძლებელი, ხელი შეეშალოს პროექტის განხორციელებას? შესაძლებელია თუ არა, რომ საფრთხეებთან გასამკლავებლად საჭირო იყოს შესაბამისი სტრატეგიის მოძიება? შეიძლება როგორმე დაბალანსდეს სუსტი მხარეები? იქნებ გჭირდებათ გუნდში ვინმეს მოწვევა? როგორ შეგიძლიათ გაზარდოთ პროექტის განხორციელების შანსი?

​

2. პროექტში ყველაზე მნიშვნელოვანია ადამიანები და იდეა!

თქვენ თუ უკვე გაქვთ იდეა, მოძებნეთ თემით დაინტერესებული ადამიანები, შეადგინეთ გეგმა და ერთმანეთში გაინაწილეთ დავალებები. პროექტის სიდიდის შესაბამისად, შეგიძლიათ დაიყოთ სამუშაო ჯგუფებად (მაგ. თქვენს საქმიანობასთან დაკავშირებული დოკუმენტაციის შეგროვება, ბიუჯეტის მართვა, საქმიანობის ხელშეწყობა, შეხვედრების ორგანიზება და ა.შ.). გაინაწილეთ დავალებები ინტერესებისა და ძლიერი მხარეების გათვალისწინებით; ასევე, გაითვალისწინეთ ის, თუ რისი შესწავლა გსურთ პროექტის განხორციელების პროცესში (იქნებ, ვინმეს სურს ისწავლოს სურათების გადაღება. მას ამ შემთხვევაში შეუძლია შეუერთდეს დოკუმენტაციის შემგროვებელ ჯგუფს და ა.შ.) და როგორია თქვენი შესაძლებლობები დროის თვალსაზრისით (რამდენი საათი შეგიძლიათ დაუთმოთ პროექტზე მუშაობას).

განსაზღვრეთ შეხვედრების რაოდენობა - პროექტის განხორციელების განმავლობაში მნიშვნელოვანია რეგულარული ჯგუფური შეხვედრები. შეხვედრების დროს შეგიძლიათ ისაუბროთ იმაზე, თუ როგორ მიმდინარეობს აქტივობები; მოძებნოთ იმ პრობლემების გადაწყვეტის შესაძლებლობები, რომლებსაც გადაეყარეთ და შეიტანეთ შესაბამისი ცვლილებები.

​

3. როგორ მოვახდინოთ დროში საქმიანობის განხორციელება?

თქვენ შეგიძლიათ გამოიყენოთ ცხრილი, რომელშიც ჩამოწერთ ყველა დაგეგმილ აქტივობას და მათი განხორციელების დროს. მიზანშეწონილია პროექტის დაყოფა მცირე აქტივობებად. ასეთი ცხრილი შეიძლება გამოიყურებოდეს შემდეგნაირად: