ონლაინ შევისწავლოთ საზოგადოების წინაშე არსებული გამოწვევები.
#თემი #მედია #ონლაინ ინიციატივა #შენობაში
Კოორდინატორი: 2-4
მონაწილე: შეუზღუდავი
დრო: 7-14 დღე
სივრცე, სადაც ორგანიზატორები შეძლებენ შეკრებას, ლეპტოპი/პერსონალური, კომპიუტერი/სმარტფონი, პრინტერი, ფურცლები
საფეხურები
21-ე საუკუნე გვაძლევს შესაძლებლობას დისტანციურად შევისწავლოთ ახალგაზრდების თუ ზოგადად, საზოგადოების წინაშე არსებული გამოწვევები. არავინ იცის ახალგაზრდების წინაშე არსებული პრობლემების შესახებ უკეთ, ვიდრე თავად ახალგაზრდებმა, მოსწავლეებმა, სტუდენტებმა, ამიტომ მნიშვნელოვანია ამ საკითხების შესახებ თავად ახალგაზრდებმა მიუთითონ.
მამზადება
-
თქვენი მომავალი საქმიანობის განსახორციელებლად ცხადია, საჭიროა პროექტის განმახორციელებელი გუნდის შეკრება (ან თუ ფიზიკურად შეხვედრის ორგანიზაება შეუძლებელია, მოაწყვეთ ონლაინ-შეხვედრა. ამისთვის შეგიძლიათ გამოიყენოთ ისეთი უფასო ინტერნეტ-რესურსები, როგორიცაა Skype Web, Jitsi, Microsoft Teams და ა.შ.).
-
ორგანიზატორების შეხვედრისას მნიშვნელოვანია გამოყოთ ის პრობლემები, რომლებიც თანატოლებს, ახალგაზრდებს ყველაზე მეტად აწუხებს და შეთავაზების სახით, კითხვარში მიუთითოთ რამდენიმე გამოწვევა, რაც იცით, რომ ნამდვილად საჭირბოროტოა აღნიშნულ თემში, თუმცა, ასევე დატოვეთ თავისუფალი სივრცე სხვა, ნებისმიერი შემოთავაზებისთვის, რაც ახალგაზრდებს თემში გამოწვევად ესახებათ.
-
შექმენით ონლაინ-გამოკითხვის ფორმა.
-
ონლაინ-ფორმულარის შექმნის შემდეგ მნიშვნელოვანი ნაბიჯია მისი იმ საზოგადოებისთვის გაზიარება, რომელიც დაინტერესებულია ახალგაზრდების წინაშე არსებული გამოწვევებით და მათი გადაჭრის გზებით. ინფორმაციის სწორ აუდიტორიამდე მიტანა ერთ-ერთი წინგადადგმული ნაბიჯია პროექტის განხორციელების გზაზე.
-
ინფორმაციის გაზიარებისთვის კარგი გზაა როგორც თქვენს თემში პოპულარული სოციალური ქსელების გამოყენება, ასევე, პოსტერების გაკვრა თქვენი თემის ხალხმრავალ ადგილებში.
-
მოიწვიეთ თქვენი მეგობრები, ახალგაზრდები, რათა შეავსონ თქვენ მიერ მომზადებული კითხვარი.
როგორ შეგვიძლია გამოვიყენოთ ეს მეთოდი?
პროექტის განხორციელების შემდეგ, ორგანიზატორებს (და არამხოლოდ) ექნებათ ნათელი წარმოდგენა თუ რა არის ის საკითხები, რომლებიც ადგილობრივ მოსახლეობას აღელვებს და გადაჭრის გზებს ეძებს.
მიღებული შედეგი შესაძლებელია გაუზიაროთ თქვენი სოფლის, თემის, ქალაქის ადგილობრივი ხელისუფლების წარმომადგენლებს, რომელთაგან შესაძლებელია რამე სახის დახმარების მიღება პრობლემის გადასაჭრელად.
ავტორები