Be INvolved პროექტში შევქმენით პირობები ახალგაზრდების ინიციატივების გასახორციელებლად. ახალგაზდებს მიეცათ შესაძლებლობა, პროექტის განხორციელობისას მიეღოთ მონაწილეობა პროექტის დაწყებიდან მის დასრულებამდე. ადგილობრივი ბაზის გაანალიზებისას დავგეგმეთ საქმიანობა და ბიუჯეტი, გავწერეთ პროექტი და შემდგომში განვახორციელეთ ის შედგენილი გეგმის მიხედვით, ხოლო, შეხვედრების დროს განვახორციელეთ პროექტების შეფესება.

ადგილობრივ ინსტიტუციებთან, ხელისუფლების წარმომადგენლებთან თანამშრომლობისას უნდა ვიზრუნოთ მონაწილეობის ჩვენებური ხედვის გააზრებაზე. სამწუხაროდ, ახალგაზრდების მონაწილეობა ხშირად საჩვენებლად გამოიყენება ხელისუფლების წარმომადგენლების მხრიდან - ასეთ სიტუაციას გადავწყდით პროექტის განხორციელებისას. ინსტიტუტებთან, ხელისუფლების წარმომადგენლებთან, ორგანიზაციებთან (რომლების აქტივობებში ჩართვაც გვინდა), შეხვედრამდე  მიზანშეწონილია განსაზღვროთ თანამშრომლობის წესი და ის, თუ რა არის ჩვენთვის მნიშვნელოვანი. აუცილებელია, რომ ახალგაზრდების აქტიურობა ხელისუფლების წარმომადგენლების მიერ არ  იქნეს გამოყენებული მათი გეგმებისა და ქმედებების განსახორციელებლად, რაც, სამწუხაროდ, ძალიან ხშირად ხდება.

​

​

​

სამოქალაქო განათლება - რა კომპეტენციებს ვავითარებთ?

სამოქალაქო განათლების მრავალი განსაზღვრება არსებობს. ჩვენ გვესმის სამოქალაქო განათლება, როგორც პროცესი, რომელიც ამზადებს ახალგაზრდებს, იყვნენ მოაზროვნე და აქტიური მოქალაქეები თავიანთი ქვეყნისათვის და მთელი მსოფლიოსათვის.

საგანმანათლებლო პროცესი ფართო ცნებაა - არა მხოლოდ როგორც ფორმალური განათლება, არამედ, უპირველეს ყოვლისა - არაფორმალური სწავლება, როდესაც ვსწავლობთ აქტივობების და სხვადასხვა საქმიანობის მეშვეობით მთელი ცხოვრების მანძილზე.  საუკეთესო  სწავლება პრაქტიკულ ნაწილში მიღებული ცოდნაა!

 

სამოქალაქო განათლებისას ვითარდება შემდეგი უნარები:

• კრიტიკული აზროვნება

• ძლიერი და სუსტი მხარეების შეფასება

• კომუნიკაციის უნარი

• ემპათია

• ტოლერანტობა

• დისკუსიისა და მოლაპარაკებების პრინციპების კარგი ცოდნა

• რეფლექსიის უნარი

• ცნობიერი და კონსტრუქციული მონაწილეობა ადგილობრივ და საზოგადოებრივ ცხოვრებაში

• დემოკრატიის პრინციპების გაგება და პატივისცემა

• განსხვავებულ გარემოში საქმიანობის უნარი, განსხვავებული ხედვის მიმღებლობა

• ურთიერთთანამშრომლობის უნარი

• საკუთარ განვითარებაზე და გარემოზე პასუხისმგებლობა

• პროექტის მართვა (დაგეგმვა, ანალიზი, შეფასება, ორგანიზაცია, ანგარიშგება)

 

რა არის ყველაზე მნიშვნელოვანი ახალგაზრდებთან მუშაობის დროს?

მიუხედავად იმისა, რომ ამ ვებსაიტზე პირველ რიგში წარმოდგენილია იდეები და მეთოდები, ჩვენ მიგვაჩნია, რომ მათი ცოდნა არ არის ყველაზე მნიშვნელოვანი.

გაცილებით მნიშვნელოვანია პიროვნების დამოკიდებულება, რომელსაც ახალგაზრდებთან მუშაობა სურს, რაც ითვალისწინებს ახალგაზრდობისადმი შესაბამის მიდგომას. დროთა განმავლობაში შეგიძლიათ ისწავლოთ მეთოდები, ან თავად ჩამოაყალიბოთ ისინი.

საინტერესო რესურსი ამ საკითხზე - https://www.civiceducation.ge/

​

​

​

ახალგაზრდებთან მუშაობის პრინციპები

ჩვენი გამოცდილება - რამ იმუშავა ჩვენი პროექტის განხორციელებისას? იდეების და ინსპირაციების მოკლე ჩამონათვალი

1. ურთიერთობა - უზრუნველყოფილი უნდა იქნეს სივრცე და დრო მოზარდებსა და ახალგაზრდებს შორის ურთიერთობების დასამყარებლად. რეგულარული შეხვედრები უფრო ეფექტურია, ვიდრე ერთჯერადი ღონისძიებები. მხედველობაში გქონდეთ, რომ როცა ზრდასრული ადამიანი პროექტშია, მას უნდა ჰქონდეს დრო და სივრცე, რათა დაამყაროს ნამდვილი ურთიერთობები. ასევე, გარდა საუბრებისა და საერთო გამოცდილებისა, მნიშვნელოვანია პროექტში ერთობლივი საქმიანობა, რისთვისაც აუცილებელია გახსნილი ურთიერთობები და ნდობა. გახსოვდეთ, რომ ყველას არ მოსწონს საუბარი ფორუმზე - ზოგიერთს ურჩევნია პირისპირ საუბარი, რისთვისაც გამოყოფილი უნდა გქონდეთ დრო.

​

2. ახალგაზრდების სერიოზული მიმღებლობა - გახსნილობა და სიმართლე ახალგაზრდების პატივისცემის საფუძველია. ნუ შეგეშინდებათ საკუთარი შეცდომების აღიარების ან იმის თქმის, რომ რაღაც არ იცით; ასევე, არ შეუშინდეთ ახალგაზრდებისაგან სწავლას, ჰკითხეთ მათ აზრი.

უშუალო დამოკიდებულება ახალგაზრდებთან კარგი ურთიერთობის ჩამოყალიბების საშუალებას იძლევა და ეფექტური მუშაობის საფუძველია. სტერეოტიპების თავიდან აცილება აუცილებელია და დამოკიდებულებამ, რომ უკეთ ვიცი, რადგან მე მაქვს მეტი გამოცდილება, შეიძლება გაართულოს მუშაობის პროცესი. ეს მოითხოვს მოთმინების უნარს

 

3. საკუთარი ცოდნის შესახებ საუბრისათვის მზაობა - ახალგაზრდობის აქტივობის გაზრდამ შეიძლება გამოიწვიოს ჩვენი კომფორტის ზონიდან გამოსვლა და ამისთვის მზად უნდა ვიყოთ. ეს სრულიად განსხვავებული მოდელია, ვიდრე ის, რაც ჩვეულებრივად გამოიყენება. ჩვენ ყველას გვაქვს გარკვეული სოციალური მოდელები და ბევრი სტერეოტიპი. თქვენ უნდა გააცნობიეროთ პარტნიორული მუშაობისთვის მზაობა. მზად უნდა იყოთ ახალგაზრდებთან ურთიერთობაში საზღვრების დარღვევისათვის (პასუხისმგებლობის და მართვის განაწილება). უნდა დაივიწყოთ ტრადიციული საქმიანობის სქემა, რომელსაც ჩვენ მიჩვეულნი ვართ. ეს გამოწვევაა, მაგრამ ამავდროულად საინტერესო თავგადასავალია!

 

4. გამოცდილების გაზიარება - თქვენი როლი გამოცდილების გაზიარებით ახალგაზრდების მხარდაჭერაა, რაც დაანახებს მათ პერსპექტივას. გახსოვდეთ, რომ ახალგაზრდებს არ უნდა ჰქონდეთ ყველა ინფორმაცია და ყველა კონტექსტი, რომელიც თქვენთვის ცნობილია. იმის ნაცვლად, რომ მათ აწავლოთ, შეეცადეთ დისკუსიების მოწყობას, კითხვების დასმას, სხვადასხვა პერსპექტივის ჩვენებას.

თავისუფლების მინიჭებასთან ერთად, უსაფრთხოების უზრუნველყოფაც საჭიროა - სრულიად შეისწავლეთ პროექტი, გაითვალისწინეთ კონტექსტი, შეეცადეთ, რომ თავიდან აიცილოთ უსიამოვნო სიურპრიზები, შეამოწმეთ ლიმიტები და შესაძლებლობები. ეს დაგვეხმარება, მაგალითად, რეალისტური სამოქმედო მიზნების დასახვაში.

 

5. მზადყოფნა მუდმივი ცვლილებებისთვის - საჭიროა ახალგაზრდებისათვის კითხვების დასმა და რეფლექსიისთვის დროის მიცემა, ასევე, მზად უნდა იყოთ, საჭიროებიდან გამომდინარე, გეგმების ცვლილებისათვის. დაგეგმილი არ მუშაობს? გაქვთ იდეა რამეზე, რაც შეიძლება უკეთესად მუშაობდეს, ვიდრე დაგეგმილი? შეცვალეთ ეს! პროექტი არის ურთიერთობა და ურთიერთობა არის ცოცხალი ორგანიზმი, რომელიც მუდმივად იცვლება! გახსოვდეთ, რომ ის, რაც ერთ ჯგუფში მუშაობდა, შეიძლება არ იმუშაოს სხვაგან.

 

6. ხელშეკრულება / წესები - პროექტის დასაწყისში ახალგაზრდებთან ერთად უნდა შემუშავდეს მუშაობის წესები, რომლებიც ხელს შეუწყობს ჯგუფში უკეთესად და უსაფრთხოდ მუშაობას მისი კონკრეტული მოთხოვნების შესაბამისად (მაგალითად, კომუნიკაციის პრინციპები - "მე" რომელიც კონკრეტულ (მოვლენას / სიტუაციას / ქცევას, პატივისცემას და ა.შ.) ეხება. საჭიროების შემთხვევაში, შესაძლებელია ხელშეკრულების შეცვლა ან სიტუაციაზე მორგება. დარწმუნებული უნდა იყოთ, რომ შემოღებული წესები ყველასათვის გასაგებია.

​

7. ავთენტურობა - ახალგაზრდებთან მუშაობისას ზრდასრული უნდა იყოს ავთენტური. თუ მას არ სჯერა რასაც აკეთებს და არ ენდობა ახალგაზრდებს, თუ ის არ გრძნობს თავის როლს, ახალგაზრდები სწრაფად შეამჩნევენ ამას. თქვენ შეიძლება გახდეთ ავტორიტეტი მხოლოდ ავთენტურობის შემთხვევაში - ეს უფრო მნიშვნელოვანია, ვიდრე ყველა მეთოდი ერთად აღებული.

 

8. დრო - ახალგაზრდების პარტნიორობით პროექტების განხორციელება მოითხოვს დროს. ჩვენთვის მნიშვნელოვანია ჯგუფის ურთიერთობა,  საუბარი, დისკუსია, გახსნილობა. ეს ყველაფერი  საჭიროებს დროს! ახალგაზრდებთან ინიციატივების დაგეგმვისას მნიშვნელოვანია დროის სწორად განსაზღვრა.

 

9. ინსპირაცია - მსოფლიოში ათასობით ინიციატივა არსებობს, რომლებიც ასახავს ბავშვების და ახალგაზრდების მონაწილეობასა და პასუხისმგებლობას. მოიძიეთ და წაახალისეთ ისინი! დასაწყისში გთავაზობთ იმას, რაც ჩვენ გამოვიყენეთ (მაგალითად, TED Talks-ის დროს):

• დემოკრატიული სკოლები

• მონტესორის პედაგოგიკა (Montessori Method of Education)

• NVC (არაძალადობრივი კომუნიკაცია)

• კულტურული ანიმაცია

​

​

ადგილობრივი საქმიანობა ხორციელდება ეტაპობრივად - კვლევა, განხორციელება, შეჯამება

იმისათვის, რომ ახალგაზრდებმა რეალურად შექმნან ადგილობრივი პროექტები, მონაწილეობა უნდა მიიღონ მათი განხორციელების ყველა ეტაპში. ჩვენი საქმიანობის დაგეგმვისას გასათვალისწინებელია ახალგაზრდებისათვის კეთდება ეს თუ მათი მონაწილეობით, რადგან განსხვავება ამათ შორის დიდია. ჩვენ ვცდილობთ, რომ მაქსიმალურად სრული მონაწილეობა მიიღონ ახალგაზრდებმა მთელ პროცესში. რაც უფრო ადრე ჩავრთავთ ახალგაზრდებს პროექტის შექმნაში, მით უფრო სრულყოფილი იქნება მათი მონაწილეობა.

ახალგაზრდები თავიანთი საქმის ექსპერტები არიან - უნდა ესაუბროთ და მოუსმინოთ მათ მოსაზრებებს. სამწუხაროდ, ახალგაზრდები ხშირად არ იყენებენ უფროსებს, როგორც პარტნიორებს, ზოგჯერ კი პროექტის რეალიზებას უფრო მეტი დრო სჭირდება. თუ ახალგაზრდების მონაწილეობის პროცესი თავიდანვე არ იქნება სრულყოფილი, ამან არ უნდა გაგვაღიზიანოს.

 

ადგილობრივი პროექტის ეტაპები:

1. შეფასება

2. რეალიზაცია

3. შეჯამება (შეფასება)

 

მეთოდები - როგორ მოვიპოვოთ ახალგაზრდების მხარდაჭერა ადგილობრივი პროექტების განხორციელებაში?

საქმიანობაში ჩვენ ვცდილობთ გამოვიყენოთ მარტივი მეთოდები, ადგილობრივი რესურსები, რაც პრაქტიკაში შესაძლებელია გამოვიყენოთ ნებისმიერ დროს და არ მოითხოვს დიდ ხარჯებს / სპეციალური მეთოდიკა. ამის გამოყენება ახალგაზრდებს შეუძლიათ ყოველდღიურ ცხოვრებაში.

ახალგაზრდებს უნდა მივცეთ მონაწილეობის შესაძლებლობა - მაგალითად, შეხვედრის ჩატარების ორგანიზების შესაძლებლობა. სცადეთ და ჩაატარეთ ექსპერიმენტი! თითოეულ ჯგუფში და სიტუაციაში რაღაც განსხვავებული იქნება.

 

დასაწყისი

როგორ დავიწყოთ?

პირველი შეხვედრის ორგანიზება - გააცანით თქვენი იდეა და ისაუბრეთ საკუთარ თავზე. ისაუბრეთ ახალგაზრდებთან იმაზე, თუ რას აპირებთ, გაიგეთ მათი აზრი. მაგალითად, შეგიძლიათ შეხვედრის ორგანიზება, ან თემატური შეხვედრის მომზადება (მაგალითად, ფილმის ჩვენების საღამო, სემინარი დემოკრატიაზე და ა.შ.). დასაწყისში მნიშვნელოვანია შეხვედრა, გაცნობა და გასაუბრება.

თავდაპირველად თქვენი როლი ძირითადად არის პროცესისთვის ბიძგის მიცემა, უსაფრთხო და მიმზიდველი გარემოს შექმნა ახალგაზრდებისათვის, მათთვის ნიადაგის მომზადება, რომ მათ საკუთარ თავზე აიღონ ინიციატივები და გახდნენ პროექტის თანამფლობელები. 

შეხვედრების დაწყების შემდეგ, დარწმუნდით, რომ ყველას ესმის პროექტში მონაწილეობის წესები, შეიმუშავეთ ერთობლივი ხელშეკრულება / წესები. ისაუბრეთ იმაზე, თუ რა აინტერესებთ და როგორ გინდათ ერთად მუშაობა. 

დასაწყისისთვის შეიმუშავეთ საერთო წესები - მიეცით ახალგაზრდებს შესაძლებლობა თავად შექმნან წესები და შემდეგ დაამატეთ თქვენ ის, რაც თქვენთვის მართლა მნიშვნელოვანია. აუხსენით, რომ “წესები” არის ის, რაც გვეხმარება თავი ვიგრძნოთ კომფორტულად და უსაფრთხოდ და დაგვეხმაროს საერთო მუშაობაში. თქვენ შეგიძლიათ დაყოთ მონაწილეები მცირე ჯგუფებად და თხოვოთ, რომ თავად შეიმუშაონ სამი, მათთვის ყველაზე მნიშვნელოვანი წესი. შემდეგ თხოვეთ ორ ჯგუფს გააერთიანოს თავიანთი წესები ისე, რომ მიიღონ სამი ყველაზე მნიშვნელოვანი წესი. საბოლოოდ, თქვენ გეყოლებათ, მაგალითად, ორი ჯგუფი 3-3 ყველაზე მნიშვნელოვანი წესით, რომლებიც ყველასათვის საერთოა. განიხილეთ ეს წესები და შექმენით წესების საბოლოო ვერსია ამ წესებზე დაყრდნობით. თქვენ, ასევე, თავად შეგიძლიათ შესთავაზოთ თქვენი წესები, რომლებიც მნიშვნელოვანია თქვენთვის, როგორც მოზარდისათვის, ახალგაზრდული ლიდერისათვის - განიხილეთ ეს წესებიც და შემდეგ დაამატეთ საერთო წესებს. 

მთელი ეს პროცესი, შესაძლოა, მოგეჩვენოთ ხანგრძლივად და ნაკლებად საჭიროდ - თუმცა, ამ წესებზე შეთანხმება მათ აგრძნობინებთ, რომ მათაც უსმენენ და ისინიც მნიშვნელოვანნი არიან თქვენთვის. 

 

მნიშვნელოვანია უფრო მეტი დრო დაუთმოთ ერთმანეთის კარგად გაცნობას. თუ შესაძლებელია, გაატარეთ დრო ერთად - წადით ექსკურსიაზე, მოაწყვეთ ერთობლივი წვეულება, დაუთმეთ მთელი დღე ე.წ. გუნდის შეკვრის (თიმბილდინგი) აქტივობებს და ა.შ. ქვემოთ თქვენ შეგიძლიათ ნახოთ რამდენიმე იდეა, თუ როგორ დაიწყოთ ერთმანეთის გაცნობის პროცესი. უფრო მეტი იდეის ნახვა შეგიძლიათ ამ ვიდეოში (ინგლისურ ენაზე) - https://www.youtube.com/watch?v=JhXmeBNgdO8&t=384s. 

​

1. სახელი და ზედსართავი სახელი - ეს არის მარტივი გართობა, რათა გაადვილდეს სახელების დამახსოვრება. დადექით წრეში. პირველი პირი ამბობს, რომ მისი სახელი და ზედსართავი სახელი იწყება იმავე ასოთი, რომელიც გარკვეულწილად განსაზღვრავს მას (მაგ. მხიარული მარიამი). ყოველი მომდევნო ადამიანი ხელახლა იმეორებს ყველა წინამორბედის სახელს და ზედსართავს.

​

2. ინტერვიუები

რა არის შენი ყველაზე დიდი ოცნება? რას აკეთებდი დღესასწაულებზე? ვისთან ერთად გსურს სადილობა? რა არ იციან თქვენ შესახებ ჯგუფში? რა გსურთ შეცვალოთ მსოფლიოში?

ჯგუფი იყოფა წყვილებად. თუ ამის შესაძლებლობა არსებობს, მათ შეუძლიათ ერთმანეთს გადაუღონ ფოტოები. რამდენიმე წუთში ყველა ბრუნდება ოთახში და ყვება მეწყვილის შესახებ.

​

3. მოყევით დიქსითის ბარათებით საკუთარ თავზე (ეს არის სასარგებლო ინსტრუმენტი, რომელიც კარგად მუშაობს ჯგუფში). აურიეთ ბარათები, დაალაგეთ იატაკზე და სთხოვეთ მონაწილეებს აირჩიონ ერთი ცალი, რომელიც გარკვეულწილად აღწერს მას. ყველას შეუძლია თქვას საკუთარ თავზე ან ისაუბროს მეწყვილეზე. დანარჩენებს შეუძლიათ დაამატონ რამე, თუ აქვთ ასოციაციები შერჩეულ ბარათზე შესაბამის პირთან მიმართებაში.

 

I დიაგნოზირება და საპროექტო იდეა

ამ ფაზის განხორცილებისას შეეცადეთ ყველა მონაწილეს მისცეთ უფლება გამოხატოს საკუთარი აზრი, ისე, რომ მათ რეალურად შეეძლოთ გახდნენ პროცესის მონაწილეები და იგრძნონ პროექტისადმი კუთვნილება. თქვენ შეგიძლიათ დაიწყოთ თქვენივე სოფლის საჭიროებათა კვლევით. ეს, ასევე, კარგი დროა მონაწილეთა ნიჭის და ინტერესების შესასწავლად. ასე რომ, ამ გზით, თქვენ შეგიძლიათ ამ ორი საქმის ერთად გაკეთება. იდეალური ადგილობრივი პროექტი აერთიანებს ადგილობრივ საჭიროებებს და ამ საჭიროების განმახორციელებელ ადამიანებს. ეს არის იდეალური საფუძველი წარმატებული პროექტისათვის!

 

ჩვენს ვებგვერდზე თქვენ შეგიძლიათ იპოვოთ რამდენიმე იდეა დიაგნოსტირების განსახორციელებლად:

• სოფლის რუკა

• ვიდეომიმართვა

• ფოტოგრაფიული გასეირნება

• საველე თამაში

• თემის პრობლემების იდენტიფიცირება

• Გადაღების რეპორტაჟი

 

სცადეთ, იპოვოთ რაც შეიძლება მეტი შესაძლებლობა თქვენი ინტერესების გასახორციელებლად (რაც მეტი ვარიანტი იქნება, უკეთესია!). მაგალითად, თუ გსურთ ეკოლოგიასთან და ნარჩენების უტილიზაციასთან დაკავშირებული საკითხების მოგვარება, შეგიძლიათ ორგანიზება გაუწიოთ სოფლის დასუფთავებას; ასევე, შეგიძლიათ სოფელში ეკო-მეგობრული სავაჭრო ჩანთების განაწილება, აღნიშნული საკითხის შესახებ სემინარების ორგანიზება; ეკოლოგიასთან დაკავშირებით ფილმების ჩვენება და შემდეგ დისკუსია; ასფალტზე წარწერების გაკეთება წახალისების მიზნით. ყველამ უნდა გააკეთოს ის, რაც მისთვის მისაღებია! ერთად იფიქრეთ იმაზე, თუ როგორ დააკავშიროთ იდეები ერთმანეთთან. გაგვიზიარეთ ნებისმიერი კარგი იდეა, რასაც თქვენს გუნდთან ერთად მოიფიქრებთ (https://docs.google.com/document/d/1im19rl6IJdJQw8LXp9YOvqpsa6Af98VuCLcq5S87Bc0/edit).

 

ახალგაზრდულ ლიდერს აქვს ორი ძირითადი მოვალოება ამ ეტაპზე:

• დაეხმაროთ მონაწილეებს იმის გარკვევაში, თუ რა შეუძლიათ მათ, რა არის მათი ძლიერი მხარეები. ეს ხანდახან, შესაძლოა, გამოწვევად იქცეს ახალგაზრდებთან მუშაობისას. დაგეგმეთ ისეთი აქტივობები, რომლებიც დაეხმარება მათ ძლიერი მხარეების იდენტიფიცირებაში. 

• გააცანით მათ პროექტის საბოლოო შედეგები (რამდენი დრო დაჭირდება პროექტის რეალიზებას, კონკრეტულად რა როლი ეკისრება თითოეულ მათგანს პროექტში, რა კონკრეტული მოვალეობები უნდა განახორციელონ მათ და ა.შ.). ხანდახან ამის წინასწარ დანახვა ახალგაზრდებისთვის გარკვეულ სირთულეს წარმოადგენს. 

 

II შესრულება

1. მიზნების განსაზღვრა

მიზნების გასახორციელებლად უნდა იყოს ადაპტირებული პირობები - ეს არის ყველაზე მნიშვნელოვანი ამ ეტაპზე. ძალიან მნიშვნელოვანია იმის უზრუნველყოფა, რომ მიზანი არის გამოწვევა და, ამავე დროს, არ არის შეუძლებელი შესასრულებლად მოცემულ პირობებში. მიზნის მისაღწევად უნდა ვიფიქროთ იმ ცვლილებების შესახებ, რომლებიც გსურთ იხილოთ თქვენს რეალობაში. თქვენ შეგიძლიათ გამოიყენოთ, მაგალითად, ხიდის სიმბოლო - ხიდის დასაწყისში დაწერეთ რა არის პრობლემა, რატომ არის ეს პრობლემა და რა უარესდება. ხიდის შუა ნაწილში დაწერეთ რა შეგიძლიათ შევცვალოთ, რატომ არის თქვენთვის მნიშვნელოვანი ეს ცვლილება. ხიდის მეორე მხარეს დაწერეთ - რა შეიცვალა? რა მდგომარეობაა ამ ეტაპზე? საიდან ვიცით, რომ ცვლილება იმუშავებს. მნიშვნელოვანია, კითხვებზე კონკრეტული პასუხების გაცემა. შეეცადეთ, თქვენი მიზანი იყოს SMART (სპეციფიური, გაზომვადი, მიღწევადი, რელევანტური, დროში გაწერილი)

 

2. დაგეგმეთ აქტივობები

აქტივობების დაგეგმვისას იფიქრეთ როგორც პროექტის განხორციელების პოტენციალზე, ასევე, შესაძლო გამოწვევებზე და დაბრკოლებებზე (დაეხმარეთ ახალგაზრდებს ჩამოთვალონ ისინი; იფიქრეთ იმ გამოწვევებზე, რაც თქვენთვის, როგორც ახალგაზრდული ლიდერისთვის არის მნიშვნელოვანი. მაგალითად, მშობელთა თანხმობა, აქვთ თუარა დრო გუნდის წევრებს შესაბამისი აქტივობებისათვის და ა.შ.). 

დასაწყისისთვის თქვენ შეგიძლიათ დაგეგმოთ “მიმზიდველი, სახალისო აქტივობები და შეხვედრები” (ფილმის ჩვენება, საინტერესო ვორქშოფი, სპორტული ღონისძიება და ა.შ.) და მოიწვიოთ ახალგაზრდები, რათა გაუზიაროთ ინფორმაცია პროექტის შესახებ. ამ შემთხვევაში, შესაძლებელია თქვენს პროექტში ჩართოთ სხვა, ნაკლებად აქტიური ახალგაზრდებიც. 

თქვენი აქტივობების დაგეგმვის საწყის ეტაპზე, მნიშვნელოვანია კარგად შეარჩიოთ ადგილი, რომელიც ყველა მონაწილისათვის კომფორტული იქნება (მაგალითად, უმჯობესია, თუ ასეთი ადგილი არ იქნება სკოლა, ამ შემთხვევაში ახალგაზრდები თავს არ იგრძნობენ შებოჭილად და არ ითამაშებენ მოსწავლის როლს გარემოს შესაბამისად). კარგად იფიქრეთ, ასევე, შეხვედრის ატმოსფეროზე - კარგი იქნება, თუ თან გექნებათ ტკბილეული, ორცხობილა, უალკოჰოლო სასმელი და კარგი გარემო. ასეთ შემთხვევაში ახალგაზრდებიც თავს დაფასებულად და მნიშვნელოვნად იგრძნობენ. 

 

თქვენი პროექტი როდესაც მზად იქნება, თქვენ მას კონკრეტული ფორმა უნდა მისცეთ. ეს ცხრილი ყველა აქტივობის დროში გაწერაში დაგეხმარებათ. მნიშვნელოვანია, რომ თქვენი ყველა აქტივობა დაყოთ მცირე მოქმედებებად და შეთანხმდეთ, ვინ რას გააკეთებს და რაზე იქნება პასუხისმგებელი. თუ საჭირო იქნა, თქვენ შეგიძლიათ კონკრეტული საქმიანობისთვის სხვადასხვა სამუშაო ჯგუფი შექმნათ. ამ შემთხვევაში, აქტივობების სრული სურათის დასანახად მნიშვნელოვანია საერთო შეხვედრების ორგანიზება.